ටෞකන්න | Taukanna | Sinhala Instant Articles | Taukanna.com

Taukanna is Instant Articles About Life | Gossips | Health and technology Sinhala

ලැප්ටොප් බැටරිය නිවැරදිව චාර්ජ් කරන හැටි මෙන්න


ලැප්ටොප් බැටරිය

අද කාලේ වෙනකොට ලැප්ටොප් එකක් කියන්නේ අත්‍යාවශ්‍යම දෙයක් බවට පත් වෙලා. ටිකක් ටැබ්ලට් පැත්තට බර බවක් තිබුනත් තවමත් ගේම් ගහන්න, කැම්පස්, ඔෆිස් වල වැඩ යන එන ගමන් කරන්න බොහෝ දෙනෙක් පාවිච්චි කරන්නේ ලැප්ටොප් තමයි. කොහොම වුනත් ලැප්ටොප් බැටරිය නම් වැඩි කාලයක් තියෙන්නේ නැහැ. සාමාන්‍යයෙන් ලංකාවේ මිලට ගන්න තියෙන බොහෝ ලැප්ටොප් වල බැටරි කාලය පැය 4 සිට 7ක් දක්වා තමයි. ඒ වගේම බර වැඩ කරද්දී මේක පැය දෙක තුනෙන් බැහැලා ඕෆ් වෙනවා.

සාමාන්‍යයෙන් ලැප්ටොප් එක ගද්දිම ලැඛෙන බැටරිය අවුරුද්දක් දෙකක් පාවිච්චි කරන්න පුළුවන් ඕනෑම කෙනෙක්ට. කොහොම වුනත් අපි මේ කියන්න යන්නේ ඉතා වැඩි කාලයක් ලැප්ටොප් බැටරිය ආරක්ෂා කරලා තියා ගන්න විදිහ ගැනයි. ඉතින් මේ ලිපියේ මාතෘකාව දැක්කම කවුරුත් තේරුම් ගන්න ඇති බැටරිය ඉක්මනින් සවුත්තු වෙන හේතුව. ඔව් ඒ කතාව ඇත්ත, දිගටම චාජ් වෙන්න ගහලා තියන එක ඇත්තටම බැටරි සවුත්තු වෙන ප්‍රධාන හේතුවක්. ඒ ඇයි කියලා දැන ගන්න ලිපිය දිගටම කියවන්නකෝ.

ඔබේ ලැප්ටොප් එකේ තියන බැටරිය ලිතියම් අයන පාවිච්චි වෙන බැටරියක්. මේකේ ලොකු වාසියක් තියෙනවා. ලිතියම් කියන්නේ වායුවක් නොවන සැහැල්ලුම මූලද්‍රව්‍යය. ලිතියම් (ඛස) කියන්නේ මේ නිසා වැඩිම ශක්ති ධාරිතාවක් තියෙන ලෝහයයි. ඉතින් ලැප්ටොප්, ෆෝන්, ටැබ්ලට් වගේ ඕනෑම බරින් අඩු, වැඩි කාලයක් තියා ගන්න අවශ්‍ය වන උපකරණයකට වැඩියෙන්ම හොඳ ලිතියම් අයන බැටරියක්. (ලිතියම් ලෝහ බැටරි මීටත් වඩා බලවත්, හැබැයි චාජ් කරන්න බැහැ. ඉස්සර කැමරා වලට මේ බැටරි පාවිච්චි වුණා)

ලැප්ටොප් බැටරිය

මේ මොන ප්‍රයෝජනය තිබුණත් ලිතියම් අයන බැටරි වල ලොකු අඩු පාඩු තියෙනවා. එකක් තමයි උණුසුම නිසා ඉක්මනින් හානි වීම. (ගිනි ගන්න, පුපුරන්න පවා ඉඩ තියෙනවා) අනිත් දේ තමයි මුළුමනින් චාජ් වුණාම හෝ බැහැලා ගියාම ඉක්මනින් හානි වීම.

ඉතින් ඔබේ ඕනෑම උපකරණයක් ලිතියම් අයන බැටරියක් තියෙන එකක් නම් සම්පුර්ණයෙන්ම බහින්න දෙන එක හෝ මුළුමනින්ම චාජ් වෙන එක ඇත්තටම බැටරියට හොඳ නැහැ. ඒ නිසා තමයි ලැප්ටොප් සේරම 5% වෙද්දී ඉබේම හයිබනේට් වෙන්නේ. බැහැලා යන එක තරම්ම අවුලක් නැතත් සම්පුර්ණ චාජ් වෙන එක, විශේෂයෙන්ම සම්පුර්ණ චාජ් එකේ බොහෝ කල් තියෙන එක නරකයි.

කැඩෙක්ස් ඉලෙක්ට්‍රොනික් එකේ CEO ඉසිදෝර් බුක්මන් කියන විදිහට හොඳම දේ 80% සහ 40% අතර බැටරිය තියා ගන්න එකයි. බැටරි යුනිවර්සිටි ආයතනයත් මේ කතාව පිලිගන්නවා. ඔවුන් කියන්නේ සම්පුර්ණ චාජ් වෙන බැටරියක් 300-500 වාරයක් යද්දී ඉවත් කරන මට්ටමට එනවා වුනත් 80%-40% තියන බැටරියක් 1200-2000 වාරයක් තියා ගන්න පුළුවන් කියලයි. ඒ වගේම තමයි උණුසුමේ ප්‍රශ්නය. ගොඩක් ලැප්ටොප් බැටරි බලයෙන් ක්‍රියා කරද්දී අඩු ශක්තියකින් ක්‍රියා කරන නිසා නිපදවන තාපය අඩුයි. නමුත් චාජ් වෙන්න ගැහුවම නිදහසේ ක්‍රියා කරලා වැඩි තාපයක් නිකුත් කරන්න පෙළඹෙනවා. ඒක නිසාත් බැටරියේ කල් පැවැත්ම අඩු වෙන්න ඉඩ තියෙනවා.

ලැප්ටොප් බැටරිය

බැටරිය රත් වෙලා තියෙන තරමට ඉක්මනින් විනාශයට යන බව සියලු විද්‍යාඥයන් පිළිගන්නවා. කොහොම වුණත් 80% – 40% තියා ගන්න එක නම් ඇත්තටම අමාරු වැඩක්. මොකද අපි හොයලා බැලුවා, කිසිම ඇප් එකක් නැහැ මේ වැඩේ කරවා ගන්න පුළුවන්. වඩාත්ම හොඳ දේ තමයි ඔබේ බැටරිය 80%ට චාජ් වුනු ගමන් විදුලිය විසන්ධි වෙන, 40%ට ආපු ගමන් සම්බන්ධ වෙන ක්‍රමයක් තියෙන එක. ඒ වගේම ගමනක් යන්න ඕන වුණාම ලේසියෙන්ම පුළුවන් වෙන්න අවශ්‍යයි එක බොත්තමක් ඔබලා 100% දක්වා චාජ් වෙන්න දෙන්න. හැබැයි ඒ මට්ටමේ වැඩක් ඇප් එකකින් කරන්න බැහැ,

මොකද ලැප්ටොප් බැටරිය චාජ් වෙන එක මෙහෙයුම් පද්ධතිය හරහා සිදු වෙන දෙයක් නෙවෙයි. ධී ගහලා තිබුනත් නැතත් චාජර් එක ගහපු ගමන් ලැප්ටොප් බැටරිය චාජ් වෙලා 100%දී නවතින එක සිද්ධ වෙනවා. ඉතින් මේ විදිහේ දෙයක් කරන්න අවශ්‍ය ලැප්ටොප් හදන මිනිස්සුම තමයි.

ලැප්ටොප් බැටරිය

ඒත් එයාලගේ බැටරි විකුණන බිස්නස් එකට පාඩුවක් නිසා කවුරුත් එහෙම දෙයක් කරන එකක් නැහැ. හොඳම වැඩේ තමයි ඔබට පුළුවන් නම් 80% ට චාජ් වෙද්දී චාජර් එක ඉවත් කරලා 40%ට බහිද්දී චාර්ජ් වෙන්න ගහන එක. හැමදාම කරන්න අවශ්‍ය නොවුනත් පුළුවන් හැම වෙලාවේම කලොත් ඔබේ බැටරි එක වැඩි කාලයක් පවත්වා ගන්න පුළුවන් වේවි.

ඉතින් ඔබට හොඳ දැනුමක් ලැඛෙන්න ඇති කියලා හිතනවා. නිතරම මේ සයිට් එකට ඇවිත් මේ වගේ අනිත් ලිපිත් බලලා දැනුමක් ගන්න. මේ ලිපිය අනිවාර්යයෙන් ශෙයා කරලා ඔබේ මිතුරන්ටත් මේ ගැන දැන ගන්න සලස්වන්න. තවත් ප්‍රයෝජනවත් ලිපියකින් හමු වෙමු


The Author

TeamFront

A blog scientist by the mind and a passionate blogger by heart ❤️. Fountainhead of Taukanna (Award winning blog), speaker at various international forums. Life motto: Live while you can! Teach & inspire while you could & Smile while you have the teeth.
ටෞකන්න | Taukanna | Sinhala Instant Articles | Taukanna.com © 2017
error: Content is protected !!